આલૂ મટર પનીર સબ્જી – કૂકરમાં ફટાફટ તૈયાર થઇ જશે આ યમ્મી મસાલેદાર પંજાબી સબ્જી…

આજે આપણે બનાવીશું પંજાબી આલુ મટર પનીર ની સબ્જી. જો તમારા ઘરે અચાનક મહેમાન આવી જાય અને ટેસ્ટી અને મજેદાર કંઈક ખવડાવું હોય તો આ પરફેક્ટ રેસીપી છે કેમકે આપણે આ કુકરમાં બનાવવાના છે અને માત્ર બે જ વ્હિસલ માં એ તૈયાર થઈ જાય છે. તો ચાલો જોય લઈએ તેની સામગ્રી.

સામગ્રી

• બટાકા
• વટાણા
• પનીર
• ધાણા
• ટામેટા
• ડુંગળી
• લસણ
• મરચાં
• આદુ
• ખાંડ
• મીઠું
• મગજતરી ના બીજ
• ગરમ મસાલો
• આમચૂર પાવડર
• આખા ધાણા
• કસ્તુરી મેથી
• કાજુ ના ટુકડા
• રેગ્યુલર મસાલા

રીત-

1- આલુ મટર પનીર બનાવવા માટે સૌથી પહેલા આપણે પેસ્ટ તૈયાર કરીશું.

2- જેના માટે આપણે એક નંગ સુધારેલી ડુંગળી લેવાની છે. આ બધાનું સાથે જ પેસ્ટ બનાવવાની છે.

3- હવે બે નંગ સુધારેલા ટામેટા મિક્સર જારમાં એડ કરીશું.

4- હવે તેમાં બે કે ત્રણ લસણની કળીઓ સમારીને એડ કરીશું. તેમાં ૨ નંગ લીલા મરચાં સમારીને એડ કરીશું.

5- હવે તેમાં આદુ અડધો ઇંચ ટુકડો લીધો છે એને પણ સુધારી લીધું છે. તે પણ મિક્સ કરીશું.

6-હવે તેમાં એક ચમચી આખા ધાણા નાખીશું. તેમાં કાજુના દસથી બાર ટુકડા લેવાના છે તે પણ અંદર નાખીશું.

7- હવે તેમાં મગજતરી ના બીજ બે ચમચી નાખવાના છે.

8- હવે તેમાં ફ્રેશ લીલા ધાણા બે ચમચી જેટલા નાખવાના છે.

9- હવે તેમાં અડધો ઇંચ જેટલો ટુકડો તજ નાખીશું.

10- હવે તેમાં બે નંગ લવીંગ નાખીશું. અને ચારથી પાંચ કાળા મરી નાખીશું.

11- હવે તેની પેસ્ટ બનાવી લઈશું. પાણી વગર.

12- પાણી વગર જ પેસ્ટ ડ્રાય બનાવવાની છે.

13- તમે વીડિયોમાં જોઈ શકો છો કે આપણી સ્મુથ પેસ્ટ તૈયાર છે.

14- તો ચાલો હવે બનાવવાનું શરૂ કરીએ.

15- એક કૂકર લઈશું. તેમાં આપણે બે ચમચી જેટલું ઘી લઈશું.ઘી ગરમ કરીશું.

16- તેમાં હવે એક તમાલ પત્ર નાખીશું. ૧ ચમચી જીરું નાખીશું.

17- તેમાં હવે નાની ચમચી જેટલી હિંગ નાખીશું. હવે જીરું તતડી ગયું છે.

18- હવે તેમાં આપણે બનાવેલી પેસ્ટ ઉમેરીશું.

19- હવે તેને બરાબર મિક્સ કરી લઈશું. હવે તેને શેકાવા દયશું.દસથી બાર મિનિટ સુધી.

20- જ્યાં સુધી તમને ઘી છૂટું પડેલું ના દેખાય ત્યાં સુધી સેકાવા દઈશું.

21- હવે તમે વીડિયોમાં જોઈ શકો છો કે સાઈડ પર ઘી છૂટું પડવા માંડ્યું છે.

22- હવે દસથી બાર મિનિટ થઈ ગઈ છે આપણી ગ્રેવી તૈયાર થઈ ગઈ છે.

23- હવે આપણે તેમાં ડ્રાય મસાલા નાખીશું.

24- જેમાં આપણે નાખીસુ અડધી ચમચી જેટલું હળદર, અડધી ચમચી ધાણાજીરૂ પાવડર નાખીશું.

25- હવે તેમાં અડધી ચમચી જેટલું લાલ મરચું પાવડર નાખીશું.જો તમે તીખું વધારે પસંદ કરતા હોવ તો વધારે નાખી શકો છો.

26- હવે તેને આપણે બરાબર મિક્સ કરી લઈશું.

27- હવે ડ્રાય મસાલાને પણ શેકાવા દેવાના છે.

28- આપણા મસાલા શેકાય ગયા છે તો હવે તેમાં આપણે નાખીશું.અડધી ચમચી ગરમ મસાલો ઉમેરીશું.

29- હવે તેમાં ૧ કપ લીલા વટાણા ઉમેરીશું.

30- હવે તેમાં એક મોટુ આલુ લીધું છે તેના ટુકડા કરીને ઉમેરીશું. હવે બધું મિક્સ કરી લઈશું.

31- હવે તેમાં દોઢ કપ જેટલું પાણી નાખીશું. વધારે પાણી નથી લેવાનું. અને જો તમને વધારે જાડુ લાગતું હોય તો થોડું એડ કરી શકો છો.

32- હવે તમે વીડિયોમાં જોઈ શકો છો કે આ સ્ટેજ પર આ પ્રમાણે ગ્રેવી હોવી જોઈએ. કારણકે હજુ આપણે સીટી મારવાની છે.

33- હવે તેમાં સ્વાદ પ્રમાણે મીઠું ઉમેરીશું.

34- હવે આપણે બધા મસાલા ઉમેરી દીધા છે. આમાં આપણે પનીર નથી નાખવાનું. પનીર આપણે પછી નાખીશું.

35- હવે કૂકરનું ઢાંકણું બંધ કરી દઈશું.બે સીટી વગાડીશું.હવે બે સીટી થઈ ગય છે તો ચેક કરી લઈએ.

36- આપણું શાક ચડી ગયું છે.

37- હવે આપણે એમાં અડધી ચમચી જેટલી ખાંડ નાખીશું.

38-હવે અડધી ચમચી જેટલું આમચૂર પાવડર નાખીશું. જો ટામેટાની ખટાશ ઓછી હોય તો આમચૂરપાવડરવધારે નાખી શકો છો.

39- હવે તેને આપણે બરાબર હલાવી લઈશું.

40- હવે આપણે દોઢ સો ગ્રામ જેટલા પનીરના ટુકડા કરી લીધા છે મોટા મોટા તેને આપણે ઉમેરીશું.

41- હવે આને એકથી બે મિનિટ ઉકળવા દઈશું. સરખું કુક થવા દઈશું પનીરને કુક કરવાનું બાકી છે.

42- હવે એક થી બે મિનિટ થઈ ગઈ છે.શાક સરસ કુક થય ગયું છે.

43- હવે આપણે તેમાં કસ્તુરી મેથી ઉમેરીશું. લગભગ અડધી ચમચી જેટલી. તેને હાથથી મસળી ને નાખીશું.

44- હવે આપણે ગેસ બંધ કરીશું.

45- હવે તેને એક બાઉલ માં કાઢીશું.

46- હવે તેને ફ્રેશ લીલા ધાણાથી ગાર્નીશ કરીશું.

47- હવે આલુ મટર પનીર તૈયાર છે. ચોક્કસથી બનાવજો ખાજો અને ખવડાવજો.

વિડિઓ રેસિપી :

રસોઈની રાણી : કોમલ ભટ્ટ

Youtube Link :ચેનલ સાથે જોડાવવા અહીંયા ક્લિક કરો.

મિત્રો, આપ સૌ ને મારી આ રેસિપી કેવી લાગી ? કોમેન્ટ માં અચૂક જણાવજો…જેથી નવી વાનગી આપવા માટે મને ઉત્સાહ રહે…

દરરોજ અવનવી વાનગી માટે લાઇક કરો અમારું પેજ – રસોઈની રાણી.

The post આલૂ મટર પનીર સબ્જી – કૂકરમાં ફટાફટ તૈયાર થઇ જશે આ યમ્મી મસાલેદાર પંજાબી સબ્જી… appeared first on Rasoi ni Rani.

from Rasoi ni Rani https://ift.tt/35wvJ3v